2,168 Post Views
नाशिकरोड : उमेश देशमुख
नाशिक पूर्व विधानसभा मतदारसंघातील नवनिर्वाचित आमदार ॲड. राहुल ढिकले आणि देवळाली विधानसभा मतदारसंघातील नवनिर्वाचित आमदार सरोज अहिरे यांची नावे मंत्रिपदासाठी घेतली जात आहे. मंत्रिमंडळ शपथविधी दरम्यान ढिकले आणि अहिरे यांचा शपथविधी होण्याची शक्यता वर्तवली जात आहे. त्यामुळे दोघांच्याही समर्थकांमध्ये प्रचंड उत्सुकता आणि उत्साहाचे वातावरण आहे. दरम्यान आमदार देवयानी फरांदे आणि आमदार नरहरी झिरवळ यांची नावे मंत्री पदाच्या शर्यतीतून मागे पडल्याची चर्चा आहे.
विधानसभेच्या पंचवार्षिक निवडणुकीमध्ये नाशिक पूर्व विधानसभा मतदारसंघांमधून आमदार ॲड.राहुल ढिकले यांनी दुसऱ्यांदा विजय मिळविला. सुमारे ८७ हजारापेक्षा अधिक मताधिक्याने ढिकले यांनी विजय मिळविला. त्यामुळे भारतीय जनता पार्टीत त्यांचे नाव संभाव्य मंत्री म्हणून घेतले जाते आहे. उपमुख्यमंत्री देवेंद्र फडणवीस आणि आमदार ढिकले यांचे नजीकचे संबंध आहे. शिवाय गिरीश महाजन यांच्या सोबत देखील ढिकले यांचे मैत्रीपूर्ण संबंध आहे. जिल्ह्यातील भारतीय जनता पार्टीचे तरुण नेतृत्व म्हणून आमदार ढिकले यांच्याकडे पाहिले जाते.त्यांना राजकीय वारसा आहे. त्यांचे वडील स्व. उत्तमराव ढिकले खासदार, आमदार होते. नाशिक जिल्हा बँकेचे अध्यक्ष, नाशिक सहकारी साखर कारखान्याचे अध्यक्ष आदी महत्वाचे पदे स्व. उत्तमराव ढिकले यांनी भूषविले होते. त्यांचे बंधु डॉ. सुनील ढिकले नाशिक मराठा विद्या प्रसारक समाज संस्थेचे अध्यक्ष आहेत. थोडक्यात त्यांना राजकीय वारसा आहे. त्यामुळे त्यांचे नाव मंत्रिपदाच्या शर्यतीत पुढे आहे.
नांदूर मानूर परिसरात विवाह समारंभासाठी एकमेव सुसज्ज संजीवनी ए.सी. बँक्वेट मंगल कार्यालय
आमदार अहिरे आणि झिरवाळ स्पर्धेत
नाशिक जिल्ह्यामधून राष्ट्रवादी काँग्रेस पक्षाकडून विद्यमान मंत्री छगन भुजबळ यांचा मंत्रिमंडळात समावेश होईल, हे जवळपास निश्चित आहे. त्याचप्रमाणे आमदार नरहरी झिरवळ आणि आमदार सरोज अहिरे यांच्या नावाची चर्चा केली जात आहे. यामध्ये आमदार अहिरे यांचे नाव अग्रभागी आहे. त्याचे कारण म्हणजे आमदार अहिरे सलग दुसऱ्यांदा मोठ्या मताधिक्याने विजयी झालेल्या आहेत. अजित दादा पवार यांच्या अहिरे निकटवर्तीय समजल्या जातात. आमदार झिरवळ यांना मागे पक्षाने विधानसभेचे उपाध्यक्ष म्हणून काम करण्याची एकदा संधी दिली आहे. या वेळेला आमदार अहिरे यांना उपमुख्यमंत्री अजित दादा संधी देखील, असा विश्वास कार्यकर्त्यांना वाटतो आहे. त्यामुळे आमदार नरहरी शिरवळ यांच्यापेक्षा आमदार सरोज अहिरे यांचे नाव मंत्रीपदाच्या शर्यतीत अधिक चर्चेत असल्याचे बोलले जात आहे.
आमदार फरांदे यांचे नाव मागे
आमदार देवयानी फरांदे यांची तिसरी टर्म आहे. यापूर्वी दोन टर्म मध्ये त्या आमदार राहिलेल्या आहेत. पहिल्या टर्म पासून त्यांचा मंत्रिमंडळात समावेश होईल,अशी चर्चा वारंवार केली गेली. परंतु पक्ष नेतृत्वाने त्यांना संधी दिलेली नाही. त्याचे मुख्य कारण म्हणजे पक्षांतर्गत आमदार फरांदे यांना विरोध असल्याची चर्चा आहे. आमदार फरांदे यांच्या तुलनेत आमदार राहुल ढिकले यांचा पक्षाला अधिक लाभ होऊ शकतो. त्यामुळे ढिकले यांना मंत्रीपदाची शपथ दिली जाऊ शकते. अशी चर्चा भाजपच्या पक्षांतर्गत केली जात आहे.
