315 Post Views
नाशिकरोड : उमेश देशमुख
पीपल्स रिपब्लिकन पार्टीची बैठक नुकतीच येथील राजराजेश्वरी मंगल कार्यालयात राष्ट्रीय अध्यक्ष लॉन्ग मार्चचे प्रणेते प्रा.जोगेंद्रजी कवाडे सर यांच्या उपस्थितीत आणि पक्षाचे महाराष्ट्राचे प्रदेशाध्यक्ष यांच्या अध्यक्षतेखाली पार पडली.पीपल्स रिपब्लिकन पार्टीच्या राष्ट्रीय कायदे सल्लागार कमिटीच्या अध्यक्षपदी अँड. शशिकांत उन्हवणे यांची निवड करण्यात आली. यावेळी महाराष्ट्र शासनाच्या लघुउद्योगाचे नवनिर्वाचित उपाध्यक्षपदी निवड झालेले पक्षाचे कार्याध्यक्ष जयदीपजी कवाडे यांचा जाहीर सत्कार झाला.
नांदूर मानूर परिसरात शासकीय मान्यता प्राप्त महारुद्र रोपवाटिका
राष्ट्रीय कायदे सल्लागार कमिटीच्या अध्यक्षपदी अँड . शशिकांत उनवणे यांची निवड झाल्याने त्यांचा प्रा.जोगेंद्रजी कवाडे यांच्या हस्ते तर सर,भाई जयदीपजी कवाडे,गणेशभाई उन्हवणे यांच्या उपस्थितीत सत्कार झाला. पुढील वाटचालीस मान्यवरांनी अँड. शशिकांत उन्हवणे यांना शुभेच्छा दिल्या.राज्यस्तरीय बैठकीचे अध्यक्ष प्रदेशाध्यक्ष गणेश उन्हवणे होते.
प्रा. जोगेंद्र कवाडे सरांनी पक्षाच्या विविध भूमिका आणि जनतेच्या विकासाच्या दृष्टिकोनातून पक्ष कसा वाढेल याबद्दल कार्यकर्त्यांना मार्गदर्शनपर सूचना केल्या.याप्रसंगी पक्षाच्या रमाई ब्रिगेडचे अध्यक्ष रत्नाताई मोहोड, प्रदेश कार्याध्यक्ष चरणदास इंगोले, प्रदेश युवक अध्यक्ष सोमनाथ भोसले,दौलत हिवराळे आदी उपस्थित होते.
अँड.शशिकांत उन्हवणे यांनी सांगितले की, राष्ट्रीय नेते प्रा.जोगेंद्र कवाडे सर,जयदीपजी कवाडे प्रदेशाचे गणेशभाई उन्हवणे यांनी माझ्यावर सोपवलेली जबाबदारी प्रामाणिकपणाने पार पाडणार आहे. संपूर्ण महाराष्ट्र आणि देशभरामध्ये पक्षाच्या मागे वकिलांची फौज कशी निर्माण होईल, याकडे लक्ष केंद्रित करून कुठेही अन्याय अत्याचार झाला असेल तेथे प्रा.कवाडे सरांच्या नेतृत्वाखाली अन्याय विरुद्ध कार्यकर्त्यांना सक्षम व स्वाभिमानी बनवण्याचे कार्य हाती घेईल, असे त्यांनी म्हटले.
